ငြိမ်းချမ်းမျှတလူမှုဖွံ့ဖြိုးရေးအဖွဲ့ (Peace & Justice Myanmar-PJM)
၂၀၁၄ ခုနှစ် ဇန်နဝါရီလတွင် ငြိမ်းချမ်းမျှတလူမှုဖွံ့ဖြိုးရေးအဖွဲ့အား အစိုးရမဟုတ်သော အရပ်ဘက်အဖွဲ့အစည်းတစ်ခုအဖြစ် စတင်တည်ထောင်ခဲ့ပြီး ပြည်တွင်းအရပ်ဘက် လူမှုအဖွဲ့အစည်းတစ်ခုအဖြစ် မှတ်ပုံတင်အမှတ် (၁/ပြည်တွင်း/ ၀၄၁၁) ဖြင့် ပြည်ထောင်စုအဆင့်မှတ်ပုံတင်ထားရှိသည့်အဖွဲ့အစည်းတစ်ခုဖြစ်ပါသည်။
မြန်မာနိုင်ငံ၏ ဒီမိုကရေစီအသွင်ကူပြောင်းမှု ဖြစ်စဥ် နှင့် ဒီမိုကရေစီနိုင်ငံတော်တည်ဆောက်ရေးတွင်
ရွေးကောက်ပွဲဖြစ်စဥ်များအား စောင့်ကြည့်လေ့လာခြင်း၊ နိုင်ငံသားဆိုင်ရာ အသိပညာပေးခြင်း နှင့် ပါဝင်မှုမြင့်တင်ခြင်း ၊ မူဝါဒနှင့် ဥပဒေဆိုင်ရာများပြုပြင်ပြောင်းလဲရန် အချက်အလက်အခြေပြုတိုက်တွန်းနှိုးဆော်ခြင်း တို့အား ပြုလုပ်နိုင်ရန်ရည်ရွယ်၍
အဖွဲ့အစည်းအား တည်ထောင်ခဲ့ခြင်းဖြစ်ပါသည်။
အဖွဲ့အစည်း၏မျော်မှန်းချက်
မြန်မာနိုင်ငံအတွင်း ငြိမ်းချမ်း၍ တန်းတူညီမျှသော၊ တရားမျှတသော၊ အားလုံးပါဝင်မှုရှိသည့် ဒီမိုကရက်တစ်လူ့မှုအသိုက်အဝန်း တစ်ခုဖြစ်ပေါ်ရန်မျော်မှန်းသည်။
အဖွဲ့အစည်း၏ရည်မှန်းချက်
Free & Fair Election
ရွေးကောက်ပွဲဆိုင်ရာ ဖြစ်စဉ်များအားစောင့်ကြည့်လေ့လာခြင်း နှင့် ရွေးကောက်ပွဲဥပဒေမူဘောင်များပြုပြင် ပြောင်းလဲရန် စည်းရုံးတိုက်တွန်းခြင်းများ မှတဆင့် ရွေးကောက်ပွဲများ၏ ယုံကြည်ရမှု၊ လွတ်လပ်၍ တရားမျှတမှုတို့အား မြှင့်တင်သွားမည်။
Platform for Civic EngagEment
လူထုထိတွေဆက်ဆံမှု ပလက်ဖောင်းများမှတဆင့် ဥပဒေပြုခြင်းဆိုင်ရာကိစ္စရပ်များတွင် ပြည်သူအသံပါဝင်မှုအားမြင့်တင်သွားမည်။
ADVOCACY FOR CHANGE
အချက်အလက်အခြေပြု၍ စည်းရုံးတိုက်တွန်းခြင်းများမှတဆင့် တရားမျှတသော ဥပဒေများ၊ လုပ်ထုံးလုပ်နည်းများ ဖြစ်ပေါ်လာရေး ကြိုးပမ်းဆောင်ရွက်သွားမည်။